هبة الالفي تكتب: لكل إمراه و رجُل يبحثان عن السعاده

#نصيحهxجمله
( إعطى قلبك لمن تفنن فى العزف على أوتاره و جعلك فى سعاده )
لكل إمراه و رجُل يبحثان عن السعاده❤
للمرأه……..
اختارى راجل بجد مش شبه راجل
راجل يحبك لشخصك و يخاف عليكى
راجل يكون من فرسان زمان
لان الفارس النبيل المحترم
هو اللى يلغى اى حواجز
هو اللى يبان فى حبه أب ليكى و يلغى غروره
هو اللى يكون لك اخ و صديق و يلغى كبرياءه
هو اللى يتمسك بيكى حبيبه و إبنه و صاحبه و تكونى عشقه الحقيقي وحبه ليكى بيظهر فى تصرفاته الحنينه
لكن التكبر دا اسلوب ضعفاء النفس الغير واثقين فى نفسهم دا بقي تبعدى عنه و انتى شاكره ربنا من قلبك
لما تقابلى الفارس دا لازم لازم لازم تحترمى و تقدرى و تحافظى على كرامته لانه عشانك بيعمل المستحيل عشان يفرحك و يسعدك

تعالى بقي يا سيد الرجال
اسمعها منى كلمه و افهمها بتمعن
اى واحده فى العالم دا مهما وصلت لمناصب عاليه
بيفضل جواها حتة الانثى
اللى تحس بحبك ليها
و حنيتك و دلعك و اهتمامك بيها
تلاقيها كالاتى …….
تعشقك عشق الورد للندى
عشان تزهر اكتر فى وجودك
تخاف عليك من اى شيء يتعبك و يضرك و ممكن تحارب العالم عشانك
وقت الجد تلاقيها راجل بمعنى الكلمه
و وقت حنيتك تلاقيها معاك اميره تتدلع على مليكها و حبيبها و جوزها و ابوها
❤ الحياه يا جماعه بسيطه
و فى نفس الوقت معادله سهله
إمراه حنونه + راجل مهتم
= حياة مليانه حب و سعاده
بلاش بخل المشاعر
اتاكدوا لما تهتموا ببعض هتلاقوا حياة مختلفه مليانه سعاده و حب حقيقي