المستشارة هدى الخضراوي تكتب: ده مش صمت… دي محاكمة مؤجلة
لما الوعي يبقى عبء ما بيبقاش وعي بيبقى جبروت مش نور بيهدي ده نار بتكشف الوعي بيخليك تمشي وسط الناس وانت شايف كل حاجة.
تشوف النوايا من تحت الكلام تشوف الخطر وسط الضحك تشوف الخديعة وهي لابسة طيبة تشوف اللي بيلعب وهو بيضحك وتسكت مش لأنك ضعيف بس لأنك أسبق اللي بيفهم قبلك بيتحكم فيك واللي وعيه سابق ما بيتكلمش كتير
الوعي مش للحكي الوعي للحسم تفهم قبل ما يتقال تقرر قبل ما يتكشف وتختار تسكت لأن السكوت ساعات أقوى من أي رد الناس اللي وعيها عالي ما بيتفاجئوش ما بيقعوش ما بيدفعوش تمن الغلط مرتين لأنهم ما بيكرروش نفس المشهد وبيعدّوا من الناس وهم شايفين ساكتين حاسبين مرتبين
اللي بيفتكر إنك ساكت علشان مش عارف ما يعرفش إنك سايب اللحظة توصل اللي فاكر إنك مش هترد ما يعرفش إنك بتكتب الرد بالقلم مش بالكلام وانك سايب الورق يشيل مشاعرك وان اللي هيقف قدامك مش هيسمعك هيسمع الحكم
انت مش بتنسى انت بتحفظ مش بتتراجع انت بتجهز مش بتتجاهل انت بترصد وفي الوقت المناسب انت ما بتردش انت بتنفذ لما الوعي يوصل للنقطة اللي مافيش بعدها رجوع ما بيبقاش صوتك هو اللي بيتكلم القانون هو اللي بيتكلم بملف بمستند بأدلة مافيهاش اعتذار مافيهاش تفاهم مافيهاش إعادة ساعتها انت مش موجود فالنقاش انت موجود فالمحكمة مافيش حكي فيه حكم مافيش صوت فيه تنفيذ الوعي مش بس سلاح الوعي عندك محضر مؤجل سايب يتراكم لحد ما الورق يقلب طاولة واللي استهان بيك يسمع اسمه في الجلسة ويفهم انك ما كنتش ساكت انت كنت بتجهز الضربة بهدوء ووعي وقانون
