وثيقة أمريكية سرية تكشف مفاجآت عن بحر الغاز المصري في المتوسط

ايه حكاية الوثيقة الأمريكية واللي اتسربت وعلاقتها بمصر وايه حكاية بحر الغاز المصري في المتوسط وليه الصراع القادم على ثروات الشمال.. كل ده هنعرفه في هذا التقرير

اللواء سمير فرج وده من الشخصيات المرموقة في الدولة المصرية وليه رؤيته ومصداقيته كشف عن حاجة خطيرة جدا في أحد لقاءاته التلفزيونية مؤخرا وقال إنه من حوالي 5 سنين كان في امريكا وبالصدفة اطلع على وثيقة أمريكية خطيرة بتتكلم بالتفصيل عن الصراع القادم في حوض البحر المتوسط واللي هيكون بسبب اكتشافات الغاز الضخمة في المتوسط وقالت الوثيقة أن مياه شواطئ مصر وقبرص وفلسطين عائمة فوق بحور من الغاز وان مصر هتكتشف الغاز وحصل فعلا بحقل ظهر وقالت الوثيقة أن مصر هتصدر الغاز وحصل فعلا وقالت الوثيقة الأمريكية كمان إن مصر هتعمل منتدى الغاز الموازي لمنظمة أوبك للدول المنتجة للبترول وحصل فعلا لكن الوثيقة قالت حاجة لسه ما حصلتش وهي دي مربط الفرس وهي إن المتوسط لسه مليان غاز ومصر هتخقف اكتشافات تانية كتير في مجال الغاز وان الصراع على ترسيم الحدود البحرية بين دول حوض المتوسط ممكن يتسبب في صراع في المنطقة وقالت حاجة مهمة جداً أن فيه غاز كمان قدام شواطئ الأراضي المحتلة وتحديدا قبالة شواطئ غزة ودا ممكن يحل ألغاز تانية في الصراع الحالي وخاصة إن مصر كانت بتتولي تطوير وتنمية حقل غاز فلسطيني قبل الحرب الأخيرة.
الأهم في الوثيقة أنها بتأكد إن مصر لسه عندها ثروات ضخمة في البحر المتوسط وإن الاكتشافات الجاية هتكون ضخمة جدا وهتغير خريطة الطاقة في العالم ومصر هيكون أرباحها مضاعفة لأنها مش بتصدر الغاز خام لكن عندها محطتين اسالة من أكبر محطات الاسالة في المنطقة ودا بيحقق قيمة مضافة كبيرة للاقتصاد المصري وأن بمجرد الاكتشافات دي بتم الاقتصاد المصري هيتحول 180 درجة وهتوفر مليارات الدولارات من عمليات تصدير الغاز المسال.
أكيد طبعا مصر كانت على علم بالوثيقة الأمريكية اللي اتعملت من سنين بناء على مسح ودراسات دقيقة للمنطقة والوثيقة دي كانت يتحدث بياناتها أول بأول وعشان كده عرفنا أن لسه فيه اكتشافات كبيرة في المياه المصرية وعشان كده السيسي عمل حساب اليوم ده وحدث القوات البحرية بشكل كامل وضخم لأن الثروات محتاجة قوة كبيرة وقوية تحميها من اي أطماع ودي اللي اتنبأت بيه وثيقة امريكا الخطيرة.