3 أحداث اقتصادية مهمة ينتظرها المصريون في يوليو.. يا ترى هما إيه؟
شهر يوليو هو أول شهر في السنة المالية الجديدة ومع بدايته السنة دي بينتظر لمصريين 3 أحداث اقتصادية مهمة هيكونليها تأثير قوي على حياة الناس.. فيا ترى ايه هي الأحداث الاقتصادية اللى بيترقبها كتير من الناس قبل نهاية الشهر الجاري؟ وازاي ممكن تأثر على الأوضاع المالية لكتير من الأسر والعائلات؟
بيترقب الاقتصاد المصري عدة أحداث مصيرية وهامة خلال شهر يوليو على راسها تحديد أسعار البنزين لـ3 أشهر مقبلة، وكمان تحديد أسعار الكهرباء الجديدة ، بالإضافة لإعلان الشركات الحكومية اللىه تم ضخ استثمار فيها أو بيع حصص منها لشركاء استراتيجيين.
ومن المقرر أن تعقد لجنة التسعير التلقائي للمنتجات البترولية اجتماع خلال أيام قليلة لتحديد أسعار البنزين وسط توقعات بارتفاع محدود في الأسعار.. ووفق قانون إنشاء لجنة التسعير التلقائي لمنتجات البترول، بتجتمع اللجنة كل 3 أشهر لتحديد سعر البنزين والسولار في مصر وأحيانا غاز السيارات والمازوت، وهو قطاع يمس حياة جميع المواطنين وأسعار السلع.
وفي اجتماعها الأخير أعلنت لجنة التسعير التلقائي للمنتجات البترولية في مصر، عن زيادة سعر السولار بمقدار واحد جنيه للتر ليصبح سعر البيع في السوق المحلى 8.25 جنيه للتر، و قررت اللجنة تثبيت أسعار البنزين بأنواعه عند 8.75 جنيه للتر البنزين 80 و10.25 جنيهللتر البنزين 92 و11.50 جنيه للتر البنزين 95.
مع البنزين والسولار بيترقب المصريين كمان اعلان أسعار شرائح الكهرباء الجديدة لعام 2023،بعد تأجيل زيادة أسعار شرائح الكهرباء من الرئيس عبد الفتاح السيسي السنة اللى فاتت.
وقرار الزيادة الجديدة في شرائح استهلاك الكهرباء متوقف لغاية دلوقتي على على قرار مجلس الوزراء، ومفيش اى قرار رسمي صدر لحد دلوقتي
وفيما يتعلق ببرنامج الطروحات الحكومية، فوزيرة التخطيط والتنمية الاقتصادية، هالة السعيد كانت أعلنت في 25 يونيو 2023، إنه هيتم إعلان أنباء سارة عن برنامج الطروحات الحكومية بعد عيد الأضحى.
وقالت ان فيه صفقات تمت وهيتم إعلانها بعد العيد،وقالت كمان إحنا ملتزمين بإعلان رئيس الوزراء، واللي أعلن عنها من قبل، كل المستهدف الحمد لله تم تحقيقه.
وفي 29 إبريل اللى فات، قال الدكتور مصطفى مدبولي رئيس مجلس الوزراء، إن الحكومة تستهدف تحقيق 2 مليار دولار قبل نهاية يونيو 2023 من خطة الطروحات الحكومية.
