ساويرس لعمرو اديب: هدي اعصابك احنا بنتسلى
أوضح الإعلامي عمرو أديب في بداية حلقة برنامجه أمس الأحد أن هناك أشياء غريبة تحدث في فضاء السوشيال ميديا.. حيت لاحظ أن هناك شخصيات اختفت لفترة طويلة ثم عادت للظهور والهجوم على البلد.. كما أن هناك شخصيات لم تكن تتحدث في الاقتصاد والسياسة بدأت تتكلم.. لكن ما أثار استغراب اديب هو وجود ما يشبه تحالف بين شخصيات أفكارها مختلفة لدرجة التضاد.. ملمحا بأنه ربما تكون هناك اياد خفية تحرك بعض هذه الشخصيات كما حدت من قبل.
كما هاجم اديب من استفادوا من البلد ثم عادوا للهجوم عليها لكن اديب لم يسم أشخاصا بعينهم لكن اللافت للنظر أن رجل الأعمال المصري، نيجب ساويرس، سارع بالرد قائلا: “صباح الخير …هدى اعصابك … احنا بنتسلى بس ….الحمد لله الدنيا حلوه و العيشا فل و الاشيا معدن و الشغل تمام.. و هتفرج ان شالله”.
قال أديب: “في ناس لم تستفد أوي من الي بيجرى، بس اكتشفت في ناس استفادت أوي من الي بيجرى وبرضو مفيش فايدة”.
وكان عمرو اديب قال “يعني دائما كان واحد يقلك إيه: وهو ليه الناس دي قالبة غامق كده؟ فيقلك أصل إيه هو ما استفادش.. .لا استفاد”.
وأردف أديب: “فيه (ناس) استفادوا بس حاسين الاستفادة مش كاملة أو ما عملوش كل الي هم عايزينو أو المليار ما قفلتش.. .ف دول برضو عندهم مشكلة وعندهم إحساس إنو المواضيع ممكن تبقى أحسن من كده أو كانوا يعملوا فلوس أكتر من كده”.
وتابع الإعلامي المصري: “إنما الغريب في الأمر إن الناس الي حققت مصالحها برضو عندها عدم رضا والناس الي محققتش مصالحها وده الطبيعي عندها عدم رضا والإتنين قاعدين في حتة واحدة، ودي أغرب حاجة في مصر”.
وأضاف الإعلامي المصري: “يعني مثلا لما كنا موجودين وقت الرئيس مبارك قبل الثورة كان واضح كان في ناس ليها مصالح.. .دول كانوا بيدافعوا عن الحزب الوطني.. .مفهوم.. .ناس عندها بزنس في قطاعات معينة بتدافع عن الحزب الوطني وهذا في كل مكان في العالم”.
وتابع أديب: “إنما نحن في العهد ده شفنا حاجة جديدة.. .إن انت تبقى مزدهر وسعيد ومبسوط ومش عاجبك.. .يعني المواطن الي مش عاجبو عادي الي هو بيتكلم على سعر الفراخ وسعر اللحمة مفهوم زيو زي أي مواطن برا في العالم متدايق، إنما كمان إحنا شوفنا الكثير دلوقتي من الناس الي متستفة ومتوضبة والي خدو شغل بمليارات وكده وبتاع مش مبسوطين”.
