الاعلامية ندى عزو تكتب: السعادة في الرضا
في ناس ساعات بتقعد تفكر هو انا ليه بيحصلي كدا ليه كل حاجه حلوه مش بتكمل شغل حب صحاب فقدان الاهل ويقعد يقول ليه حظي كدا يارب انا مش عارف اعمل اي حاجه في حياتي.
الارزاق لا تتشابك كل واحد ماشي في سكته اوعي تقيس رزقك علي رزق حد ابدا الحقيقه بقااا ان كل واحد فينا واخد ال٢٤ قراط بتوعه انت عاوز فلوس هيديك فلوس بس مريض او عندك حد عزيز عليك مريض وانت عاوز صحه بس غلبان مافيش فلوس ، وانت عاوز عيال بس معاقيين ، وانت عاوز اهل بس مش سند ليك في حياتك ، انت عاوز عاوز شهره خد شهره بس في المقابل مش هتعرف تعيش بحريتك،
كل واحد فينا واخد ال٢٤قراط بتوعه منوعين، دي حكمه ربنا ربنا ليه حكمه في عطائه.
واحد ربنا مديله فلوس لكن مش مديله صلاح في اولاده واحد ربنا مديله اولاد ناجحين ومتفوقين بس واخد منه رزقه في الفلوس علي قد حاله بس نجاح عياله بالدنيا لازم تعرفوا ان ربنا عامل لكل واحد طريق يمشي في ويبعتله رزقه انت كدا بتحسد غيرك علي نعمه ،
دا عنده وعنده طيب ماتركز في حياتك طيب ماانت عندك بردوا كل النعم مالك بتستكتر ليه علي غيرك كل السلوكيات دي بتيجي عند مين بتيجي عند اللي مش فاهم حكمه ربنا بيدي كل واحد اللي ينفعه في حياته تخيلو كدا فاجئه ربنا رزق كل الناس بفلوس كتيير جدا هتشتغلوا ليه هتقول انا اعيش بقاااا اكل احلي اكل في احلي مطعم ماانت مش هتلاقي الي يعملك الاكل انا هروح اعمل احلي نيولوك ماانت مش هتلاقي الي يعملك دا هروح النادي مش هتلاقي الي يدربك .هروح اجيب عربيه مش هتلاقي الي يبيعلك عربيه عاوز تتعلم وتبقي دكتور او مهندس او اي شي مش هتلاقي الي يدرسلك، كلو بقااا زي بعضه محدش احسن من حد
متخيلين الحياه كانت هتبقي ازاي .ربنا لما وزع ال٢٤ قراط بتوعنا عشان الدنيا تمشي لازم كان يبقي في الفقير والغني العالم والفاسد يبقي في كل الطبقات عشان الدنيا تستمر عشان صلاح الدنيا ونعرف نعيش
مافيش حاجه ميزانها مش عادل كلنا بناخد ال٢٤ قيراط كاملين ومحدش بياخد رزق حد احمد ربنا علي الستر والصحه وراحه البال وبطلوا تبصوا في حياه حد لاننا كلنا متوزع علينا رزقنا بالعدل
واهم من كل الكلام دا السعاده في الرضا
صباح السعاده والرضا ❤️
