باسم عبد الوهاب يطرح أحدث أعمالة الغنائية “تغيب”
كتبت _ مروة حسن
طرح المطرب باسم عبد الوهاب أحدث أعماله الغنائية أغنية “تغيب” التي صورها على طريقة الفيديو كليب ، والأغنية من إخراج كريم عبد الوهاب ومن كلمات أحمد عرفان وألحان باسم عبد الوهاب وتوزيع وميكس وماستر كريم عبد الوهاب، وأول إنتاج لشركة Oxygen Music.
وتقول كلمات الأغنية:
مين قال نسيت
أنا بس يمكن حبة عنك إتلاهيت
للعلم ده مش غصب عني ده قصد مني
ده مش كسوف
ده شكل رسمي و دي معاملة الضيوف
ولا انت مستنيني تاني أخذك في حضني
تغيب تغيب و تيجي تسأل ع الغلاوة
طب حتي ده ف عرف الفراق اصلاً جريمة
وإن كنت مش فاهم ولسه عليك غشاوة
إزاي تِقَدر حاجة ليها ماعادش قيمة
كان عندي شوق
بس اما شوفتك عيني ترجمة الفروق
مش في الملامح دي الطباع الوحشة زايدة
و انا مش ملاك
ولا كلمتين حنية هارجع أعيش معاك
لا دا إنت عايز حد غيري مشاعرة باردة
تغيب تغيب و تيجي تسأل ع الغلاوة
طب حتي ده ف عرف الفراق اصلاً جريمة
و إن كنت مش فاهم ولسه عليك غشاوة
إزاي تِقَدر حاجة ليها ماعادش قيمة
جدير بالذكر أن باسم عبد الوهاب قام بغناء تتر مسلسل “يوميات زوجه مفروسة” للنجمة داليا البحيرى وخالد سرحان والذى تم تقديم منه 4 مواسم خلال السنوات الماضة، وأغنية التتر من كلمات أيمن جودة والحان مصطفى محفوظ وتوزيع كريم عبد الوهاب، كما قدم باسم أيضاً أغنية بعنوان “كلامى عنك” على طريقة الفيديو كليب من إخراج كريم عبد الوهاب.
