مرتضى منصور يهاجم الحكومة : “اللي انا شايفه في مصر ده خراب” !!
خرج رئيس نادي الزمالك مرتضى منصور، بتصريحات خلال حوار صحفي له، تسبّبت بجدل واسع على مواقع التواصل في مصر، بعد توجيهه انتقادات حادة للحكومة ، فيما يخص إدارة الاقتصاد .
وفي حوار له مع مراسل قناة “الزمالك“، أكّد مرتضى منصور، أنّ السياسات الاقتصادية المصرية الحالية تمثّل بيئة طرد للمستثمرين وليست بيئة جذب مثل تركيا، التي ضرب بها المثال.
كما انتقد “منصور” أحاديث عدد من الإعلاميين بشأن الاقتصاد، وذكر منهم أحمد موسى وعمرو أديب، مستنكِراً تسليطهم الضوء على أزمات الدولة وتعثر الاقتصاد في برامجهم، ما يخوّف المستثمرين من القدوم لمصر، حسب وصفه.
وقال ما نصّه: “ناس بتشتكي هو ليه فيه استثمارات في تركيا من كل الدول العربية ومبتجيش.. مصر أنا بقى هسألك سؤال: تيجي مصر ازاي وعمرو أديب وأحمد موسى طول النهار بيقولوا المصريين مش لاقين ياكلوا وهياكلوا رجول فراخ”.
وتابع مرتضى منصور: “طيب بالعقل كده أنا اجي بلد بتاكل رجول فراخ.. والحقوا البلد مش لاقية تاكل.. البنوك هتفلس.. الأيام الجاية سودة هيجيلك ـ يقصد حديث الإعلاميين على القنوات المصرية ـ كده الاستثمار هيجيلك ازاي؟”.
رئيس نادي الزمالك أضاف في تصريحاته موضحاً من وجهة نظره، كيف تجذب الدولة المستثمرين: “الاستثمار يعني أمن وأمان ومنظومة اقتصادية منضبطة.. مش إعلام يخوف العالم كله مننا”.
واستطرد “منصور” لافتاً إلى الاستثمارات السعودية الضخمة في تركيا: “لما اعرف إن فيه استثمارات بمليارات الريالات السعودية في تركيا أزعل.. عشان دي بلدي أولى بيها.. بس هيجوا ازاي المستثمرين هنا وكل يوم يطلع قانون كشف سرية حسابات اللي حاطط فلوس في البنوك.. وممنوع تحول فوس”.
واختتم مرتضى منصور حديثَه الذي وصفه البعض بأنه خروج عن النص، وربما يعرضه للأذى من قبل نظام السيسي القمعي، رغم أنه محسوب عليه في الأساس: “لا لا يا جماعة.. ما هو حاجة من 2.. يا عايزين سياحة واستثمار.. يا عايزين خراب.. واللي أنا شايفه في مصر ده خراب”. حسب قوله.
