بالفيديو أحمد فلوكس يكشف الرقم الحقيقي لزيجاته: 3 رسمي و 2 عرفي
الامة – القاهرة:
حسم الفنان أحمد فلوكس الجدل المثار حول زيجاته المتكررة، مؤكدا أنه تزوج 3 مرات بشكل رسمي وزيجتان بعقد عرفي، منهم واحدة بعد انفصاله عن الفنانة هنا شيحة، ووجه فلوكس تحية خاصة لزوجته الأولى وأم ابنه مؤكدا إنها انتظرته 12 عاما وعادت لعصمته، كما نفي ما تردد عن وجود خصومة بينه وبين والده فاروق فلوكس بعد تصريحات الأخير عنه.
وقال أحمد فلوكس أثناء حلوله ضيفا على الإعلامية أسما إبراهيم في برنامج حبر سري، عبر شاشة قناة القاهرة والناس: لما قولت إني اتجوزت كتير كنت بهزر في الانترفيو وكان أغلبه ضحك وكانت مراتي قاعدة ومش محتاج اطلع عليا سُمعة هما بيطلعوا، واتجوزت 3 مرات رسمي ومرتين عُرفي وكان معروف للناس ومنهم مرة بعد طلاقي من هنا شيحة عشان مكنتش عايز أعرف الناس.
وأضاف: اتعقدت من الحكاية دي وأكتر حد بحبه وربنا باعتهولي وأحلى هدية في الدنيا أم ابني خصوصا إنها استنتني كتير 12 سنة، حتى لما اتجوزت هي اللي كانت بتربطلي الكرافته واستنتني.
وأكد أحمد فلوكس، عدم صحة ما أشيع عن مقاطعته لوالده قائلا: فى ناس حاولت تشيع أني مقاطع أبويا، وأبويا جزمته على راسي لحد ما أموت ولو فى حاجة فى شخصيتي كويسة فهو السبب فيها بعد الله ولكن هو اتلعب عليه.
واشار فلوكس إلى، أنه كان لديه مشكلة خاصة ويحاول أن يبعد والده الفنان الكبير فاروق فلوكس عن تفاصيلها، مضيفا: أنا كان عندي مشكلة خاصة وببعد أن والدي يعرف حاجة وهو عنده 86 سنة وبخاف عليه في السن ده والناس لعبت على الحته دي.
وحول هجومه المتكرر على بعض المشاهد الفنية وتعليقه على تصريحات لزملاء في المهنة مثل النجمة الهام شاهين قال فلوكس: الدراما بتشكل وجدان أطفال وشباب ومجتمع، ما أنا كده كده بتهاجم من الناس عشان بقول الحق، ما أنا كنت بغلط وكنت من أسوأ الناس اللي في الدنيا وعملت كل الموبِقات ولكن مش على الشاشة وكنت مراية لنفسي وصريح مع نفسي وقعدت طلبت من ربنا الغفران والسماح بس في الآخر مطلعتوش على الشاشة والحمد لله حتى الفيلم اللي عملته مع صوفينار ومحمود الليثي مكنش فيه اللي كان في الأفلام التانية.
