شوفلك لعبة بعيد عننا مفيش حاجة هتعجب أمك.. مبروك عطية يهاجم متابعاً
هاجم الدكتور مبروك عطية، العميد السابق لكلية الدراسات الإسلامية جامعة الأزهر فرع سوهاج، أحد المتابعين بعد تعليقه الذي استنكر فيه حديث عطية عن الطلاق والظهار وغيرها من القضايا الفقهية.
والله لو اتكلمنا في أي موضوع ما هو عاجب أمك وقال عطية خلال بث مباشر له على صفحته على موقع التواصل الاجتماعي فيس بوك: واحد بيقولي سيبنا مشكلات الأمة وبنتكلم في الطلاق والظهار، فعايز أقولك يا حضرة المفتش علينا شوفلك لعبة تلعب بيها بعيد عنا، والله لو اتكلمنا في أي موضوع ما هو عاجب أمك.
وأضاف مبروك عطية: الطلاق اتكلم عنه ربنا والظهار اتكلم عنه ربنا والخطاب الديني توضيح العلماء لكلام ربنا ولو اتكملنا في الاقتصاد هتقول برضه سيبنا مشكلات الأمة وبنتكلم في الاقتصاد، ولو اتكلمنا في السلام الاجتماعي هتقول سيبنا مشكلات الأمة وبنتكلم في السلام الاجتماعي، بس عايز أعرف إيه مشكلات الأمة اللي عندك.
وتابع مبروك عطية: أنت زعلان ليه، ما تسيب الناس تتعلم، ولماذا تعترض هو أي كلام واعتراض، وعايز أسألك إذا كانتش مشكلات الأمة هي الطلاق والمواريث وغيرها هتبقي ايه.
مش عاجبك كلامنا روح للجيران يكيفوك وواصل مبروك عطية: مش عاجبك كلامنا روح للجيران يكيفوك في مشكلات الأمة، متابعًا: يبدو إنك ينطبق عليك قول لا يعجبه العجب ولا الصيام في شعبان، غريب أنت، مضيفًا: أي مشكلة تخص واحد يبقى لازم الأمة تهتم.
