نهلة سليم تكتب: يا عشرين واثنين وعشرين
الكلمات : نهلة سليم
المكان : دوسلدورف – ألمانيا
الزمان : 1/1/2022
الظرف : رجاءا من العام الجديد أن يعيد لنا ما حرمنا منه وخاصة هذا العام الجديد المتفائل لأنه تكرر به رقم 2 ثلاث مرات والذي يشبه حرف النصر عندما نشير برقم اثنين بأصابعنا يعني بها ثلاث اشارات نصر
🙏🙏🙏يا عشرين واثنين وعشرين🙏🙏🙏
أحنا المتغربين يعني المحرومين
محرومين حنان الأهل اللي كتبه علينا السنين
محرومين ريحة بلدنا وضحكة ولادها الطيبين
محرومين الأصل والعزوة والتاريخ والناس الحنينين
محرمين من شهامة ولاد البلد الجدعان اللي
لو قصدته في خدمة يشاور لك علي عينيه الأثنين
يا عشرين واثنين وعشرين .
عيشينا ايامك وأحنا مترابطين اشداء وأجعلينا نعيش يوم فيكي أبدا متفرقين
ياااااااه يا عشرين وأثنين وعشرين. .
بعدتنا الغربة عن حبايبنا وأهالينا اللي عاشوا ماتوا وأحنا متغربين
وفي غربتنا بعدت عنا حتي بلدنا اللي اعتبرونا من المفقودين لا صوت لينا وصلهم ولا صورتنا تشفع لهم
دا حتي صوتنا الشرعي في برلمانها لم يعطوه لنا ووضعوا علي آذانهم ايديهم الأثنين
يا عشرين واثنين عشرين
احنا متغربين آه بننفع بلدنا بعلمنا و مالنا آه و تاهت فيها حقوق ولادنا الصغيرين بآه وآه وآه
ولادنا مش حتخليهم يحبوها بحمله اتكلم بلغتها ولا تأمين يرجع جثامينا
ولادنا حيحبوها لما يلاقوا أرض و مكان ليهم فيها لمًا يشوفوا بلدهم بتكرم ابائهم أحياء اللي قدموا اعظم مثل في حبهم ليها لمًا يلاقوا بلدهم بتخصص لهم مجمع لأولادالمتغربين المصريين الشقاينين هو دا العوض اللي ممكن تعوضه لهم بلدهم وترد لهم شقي وغربة السنين اللي بتحويلتها كانت حائط الصد أمام كل خائن لعين
مش بقول لك ياااااااه يا عشرين واثنين وعشرين
الجروح كبيره والأمل فيكي أكبر في إنك تورينا الحب اللي خطفته منا السنين
حب بلدي وحب ولاد بلدي اللي عايشين فيكي وفاكرين إننا في الخارج عايشين
لا احنا بدونها وبدونكم مش عايشين ولو كنا في قصور الغربة متنعمين
في الغربة بس بنشوف العالم علي حقيقته بنشوف اللي عنده وش واللي عنده وشين واللي عنده وشوش بالملايين
بنشوف الخايب وبنشوف الواعي اللي بيعرف يحافظ علي رزقه من الناس الطيبين
يا عشرين واثنين وعشرين
الصحة والرأفه والضمير والحب والعز ومحبة الناس هما بس اللي منك عايزين
دي محبة الناس هي الكنز الحقيقي زي ما قالوا اجدادنا الطيبين
الناس الطيبين اللي الشهامة عنوانهم دلينا علي طريقهم فين موجودين
يا عشرين واثنين وعشرين
نتمني أن ندخل بلدنا التي ذكرت علي لسان النبي يوسف لأخواته عندما قال لهم :-
ٱدْخُلُواْ مِصْرَ إِن شَآءَ ٱللَّهُ آمِنِينَ
