أميره علوان تكتب : أهلا بالوحده
أما يجي عليك وقت وتفرمط كل الناس اللي حواليك علشان مش بيقدروك وعايزين مصلحه منك وبيتمنظروا بيك خداعين وكدابين ومنافقين ميحبوش ليكم الخير غيره وغل وحقد وكراهيه وحسد وده كله بدون أي أسباب بيسألوا عليك مش علشان يطمنوا عليك لاء علشان منتظرين بفارغ الصبر وقت سقوطك فيشمتوا فيك
وإنت عارف كل ده وساكت ومتحمل علشان لو إتكلمت وبينت إنك عارف وفاهم هما إيه
مش هينفع ترجع تكلمهم وهيخلقلك عداوات معاهم
ف بتقبل تفضل معاهم علشان لو بعدت عنهم هتكون وحيد والوحده مش بتتحملها إحساسها صعب ومميت
هقولك تعمل إيه
1- يا تعمل مش واخد بالك وتعيش فوسط أعدائك المخفيين في هيئه صديق وده بعتبره نفاق وضعف وأرفضه تماما
2- لازم ميبقاش عندك غالي ليه لأنك لازم تحب نفسك أووووووووووي ومتسمحش لأي حد كده يدخل دايرتك إللي بتعيش فيها بقيت بتختار وترتقي بكل شخص هيكون في حياتك لقيت فيه مواصفات الشخص الإيجابي هيشيلك فمحنتك مش هيتخلي عنك مش هيتغير من أي كلام يسمعه عنك مش يصدق فيك القيل والقال حد واثق فيك والثقه مبتجيش من فراغ حد يديلك طاقه إيجابيه حد ميسيبنيش أنام زعلان ولا أصلا يزعلك يبقي مرايتك يقرأ أفكارك من غير متتكلم يفهمك يحس بيك وإنت متغير وداخلك غير سواء حلوه أوحشه بيحسك
يفرح لفرحك يزعل لخاطرك حد جميل ميكونش معاك فتره وتعدي حد معاك عالحلوه والمره الزمن مينضمنش حد جميل يعرفك لشخصك وقلبك الطيب مش لأجل إنت إيه ولا مين ولا فين ولا هتبقي إيه الحب الحقيقي مبينشريش بالفلوس زي الإحترام بالظبط
تعمل إيه
علشان ترتاح نفسيا
كالأتي
إعمل حظر لأي حد يعكر صفو يومك وميقدركش ميستحقش يكون فحياتي مبيسعدنيش مبيدعمنيش بالطاقه الإيجابيه إبعد عن أي حد بينقلك طاقه سلبيه ولازم تبعد عواطفك عن قراراتك لو مشيت ورا قلبك هتتعب وتندم لو حكمت عقلك هترتاح
هتقول ماهو كلهم كده ولو عملتلهم حظر من حياتي هكون لوحدي هخرج مع مين وأتكلم مع مين
هقولك الوحده أجمل من وجودهم بكتير كده كده وجودهم زي عدمه مش بينقلك غير طاقات سلبيه قولت عيدت عملت خليت قيل وقال حقد وغل وكره بإنك تكون أفضل منهم أو زيهم فالبعد عنهم أجمل بكتير من ألف لمه كدابه إبعدوا عن اللمه الكدابه وأهلا وسهلا بالوحده إتعلموا تكونوا لوحدكم في أسوأ الظروف لأن نادرا وقت الصعاب ما هتلاقي حد جمبك أصلا وبعد كل اللمه الكدابه دي إدخل إعملهم حظر وإنتظر الجديد القادم أجمل بإذن الله الحياه مبتقفش علي حد الوحده أكرم بكتير من ألف صديق مخادع من ألف عدو في هيئه صديق مبيتمناش ليك الخير فيوم
هنا أقدر أقول أهلا بالوحده أفضل عندي من ألف لمه كدابه مش معني إني وحدي إني مكروه لاء إنت حد جميل من سلاله نضيفه جميله مش بتختلط بسلالات مفيرسه القادم أجمل بكتير والوحده مش هتكون مسيرك تلاقي شخص جميل ذيك إنت قادر تعيش لوحدك
