شوف ازاي أمريكا بتستخدم المغفلين لخدمة مصالحها

بما ان امريكا بدأت اللعب الوسخ بورقة المسلمين وعايزة تفرض عقوبات علي الصين و بتطالب بدعم الخليج
فأحب أقدم لكم فخر الشطرنج اللي لف علي اليوتيوب كله 😁😁😁 والفيسبوك ويمكن وصل للمرحوم .. البلورة السحرية بتاعت 21 مارس بتتحقق انهاردة 👇🏻👇🏻👇🏻

مساء الخير
رقعة شطرنج 21 مارس
احتفظوا بالبوست او شير كتير عشان الفيسبوك هيعمل معايا الجلاشة فيه 😁😁
انهاردة هندع روسيا جانبا وهنعملها رقعة مخصوصة
لكن هنشوف ازاي أمريكا بتستخدم المغفلين لخدمة مصالحها
مين هما المغفلين يا چي 🤔🤔
المسلمين يبشه .. احنا الحنجوريين اصحاب الظواهر الصوتية نبقا المغفلين
واحدة واحدة ومتتحمقش يا مولانا
والكلام اللي هقوله ده مش هتعرفوه من حد غيري .. عشان هيخافوا يقولولكم انكم مغفلين
———————————————-
علي الرقعة
امريكا 👈🏻 قررت فرض عقوبات دبلوماسية علي الصين
يعني ايه عقوبات دبلوماسية :
* منع منح التأشيرات لبعض الشخصيات الدبلوماسية الصينية لدخول امريكا
* سحب ميزة ال vip من أفراد البعثة الدبلوماسية
اللعبة المضادة
الصين 👈🏻 تطبيق نفس الاجراء بالظبط
تسكت علي كده .. ابداااااا .. ده انت بتدوس علي صباع التنين
راحت اتخذت اجراء أشد قسوة وهو تجميد اسهم الشركات الامريكية في البورصة الصينية
طب السؤال : هي امريكا مفرضتش ليه عقوبات اقتصادية .. ايه شغل التأشيرات والعلوقية ده 🤔🤔
عزيييزي ركز يا عزيزي
حجم التجارة بين الصين وامريكا 600 مليار دولار في الربع الاخير من 2021 فقطططط
بس الصين بقا ايديها الشمال طرشة ومجاش معاها علوقية التأشيرات
طب يا چي هي امريكا بتعاقب الصين عشان دعمها لروسيا طبعا 🤷🏻‍♀️🤷🏻‍♀️
لاااا يا عزيزي
بيان مجلس الامن القومي الامريكي قال نصا : فرض عقوبات علي الصين لانها تعادي الاسلام
بتقولوا ايه يا ولاااد 😳😳
وربنا يبشه زمبؤلك كتاااا 😁😁
الانسة اللي بتضحك هناك وطي ضحكتك شوية .. والاخ اللي بيتعصب ورا ده استني وهنتعصب جميعا ذا لحين وناخد ثواب الجماعة
طبعا ده تصريح اخد الاحيه وطار بيها لفوووق 😁😁
يعني انت يا ابنلوسخة يا اللي دابح نصف مليار مسلم من بداية تأسيس دولتك لحد من نص ساعة حزنان علي المسلمين ومعرض مصالحك للخطر عشان تراك متأثر ولحظة وتبكي … لاااا really احيييييه
هيطلعلي واحد من بتوع الكتلة الغربوووية ويقولي ما جايز بتكفر عن أخطاءها في حق المسلمين
اقوله الكلام ده مياكلش مع چيلان قاسم .. ده انا صايع قدييييم
ركز بقا يا عزيزي
الصين بالرغم من اتساعها الا انها مخنوقة بحريا
طب تعمل اييييه
تلجأ لمشروع قومي كبير اسمه اللالئ المضيئة الصينية .. اللي هو عبارة عن موانئ بحرية في اماكن متفرقة
نيجي نشوف هو ايه الطريق البحري الصيني 👇🏻👇🏻
* بيبدأ من بحر الصين الشرقي ثم
يوصل لبحر الصين الجنوبي ثم
مضيق تايوان ” اللي بيدين بالولاء لامريكا ” وهو مدخل ماليزيا وسنغافورة ثم
مضيق البلكا …. وهنا بقا يا عزيزي الدنيا بتبوظ
ليييييييه 👈🏻👈🏻 عشان مضيق البلكا مسيطر عليه الاسطول الامريكي وعامل قاعدة عسكرية بتمنع مرور السفن الصينية الا بعد مفاوضات و تركنها في البحر وتهدد سلامة الحاويات
الصين هنا تبدأ تفكر في بدايل آمنة بدل ما تعلن الحرب :
تقول هعمل ميناء فييييييين
ركز معايا وشوف المفاجأة 👈🏻👈🏻👈🏻 ماينماااار
بتقولي ايه 😳😳
عملت بالفعل يا عزيزي
ماينمار دولة مستقلة تربطها بالصين علاقات جيدة جدا
الصين جت لرئيسها “ثان ثان شوي ” وقالتله انا هعملك نهضة صناعية وتطور في مقابل مشروع مشترك بيننا هنتكفل بيه وهنشغل ناسك معانا وهنقلل لك البطالة
وافق ثان شوي وعملوا عدد 2 ميناء بحري علي سواحل اقليم اركان …. واتعمل خط غاز وبداية الطريق البري الجديد
ومبقتش الصين محتاجة تعدي من مضيق البلكا
لأن ساحل اركان بيطل علي خليج البنغال علي المحيط الهندي
طبعا ده قفا عنابي طرقع علي قفا امريكا
تسكت .. ابداااااا
تجيب الروهينجا اللي هما المسلمين الماينماريين وتقولهم انتوا لازم تستقلوا وتعملوا دولة بتاعتكم لوحدكم ومينفعش تعيشوا مع الكفرررة البوذيين في دولة واحدة
* طب ليه مراحوش للبوذيين يا چي .. ما هم بيكرهوا المسلمين بردو 🤔🤔
لأن الروهينجا هما قاطني اقليم اركان الساحلي مش البوذيين ” ما المسلمين دول مرزقين بالخوازيق 😏”
تاني حاااجة واللي يزعل يشرب من خليج البنغال بالمناسبة يعني 👈🏻 الروهينجا بيعتنقوا فكر السلفية الجهادية وطبعا مفيش داعي اوضح 😏
بدأوا ينقلبوا علي جمهورية ماينمار .. بدأ الجيش الماينماري يدببح فيهم ” وأنا بدعم الجيش الماينماري في الحفاظ علي امنه القومي ” ….. هوووب يحصل انقلاب علي الرئيس ثان شوي ويعتقلوه وتدخل الام الحنونة امريكا لتنصيب مرة بومة اسمها ثين سين من عملاء ال CIA ويكون اول قرار لها هو وقف الموانئ الصينية وطرد المهندسين والملاحين والبحريين الصينيين
بس كان خلاص الروهينجا سخنوا بقا وعايزين الانفصال
وفجأة حسوا ان عيشتهم مع البوذيين حرااام في حراام
واحنا في عاااا ضاع اسلامونا معندناش ياما ارحميني
ف امريكا قالت لعمليتها الرئيسة : خوودي راحتك يا حبيبتشي وادبحي الروهينجا وولعي في ميتين ابوهم دول شوية مسلمين هفق بنستخدمهم بالريموت كونترول
لكن يا عزيزي القوميين هناك يكتشفوا حقيقة الولية البومة بعد ما اخدت نوبل للسلام
” الجايزة دي بقت خاصة بولاد المشبوهة فقط .. جايزة مشمومة 😁”
وينقلب عليها الجيش
ويشيلها
ويجيب رئيس اخر ” هيتن كياو ” اللي بيتعاون اقتصاديا مع الصين ويرجع يفتح اللالئ تاني
بس العركة بتاعت الروهينجا لسه شغااالة وطبعا الصين منزلة قاعدتين عسكريتين لحماية الميناءين واللي بيقرب منهم روهينجا بقا ولا بطيخ بيباد .. و ده حقهم علي فكرة
لو احنا في مصر ك مسلمين هنهدد قناة السويس فكل الدعم للجيش انه يولع فينا علي فكرة
يبقا هنا عرفنا طلعت ازاي حوارات الروهينجا وليه امريكا عايزاها تستقل 👈🏻 عشان تقفل طريق بحري علي الصين وتعزلها عن الساحل الغربي
————————————————
في اثناء بقا فترة ولاية البومة
الصين دورت علي بناء لؤلؤة جديدة
فين بقا يا چي
في باكستان 👈🏻 وعملت ميناء عظيم اسمه كوادور
وباكستان تعاونت جدا لان الصين منحتها 25% من الارباح و دربت وشغلت مواطنين باكستان وفتحت ابواب رزق وحركة ملاحة وسياحة
الموضوع ده ضايق أمريكا
راحت للعدو التاريخي للصين اللي هو الهند
وقالتلها هو مش الصين هتعمل طريق الحرير .. انتي بقا يا اوختشي هتعملي طريق القطن ” والله ما بهزر هو اسمه كده 😁😁”
بس انتي يا مدام هند عارفة اننا مبكلمش ايران وناصبة عليها في الجمعية .. فأنتي بقا بما انك بتتعاوني تجاريا مع ايران هتعملي هناك ميناء بحري احنا هنموله بس انتي اللي هتديريه اللي هو 👈🏻 ميناء تشابهار الايراني
لكن القدر يبغي يهزق أمريكا
ميناء كوادور الباكستاني شغااال زي الفل
وايران منكدة علي امريكا في ميناء تشابهار وبتاخد الارباح لوحدها وبتدي الهند 30% و بتدي امريكا حاجات عيب 😌
تسكت أمريكا … ابدااااا
تشتغل علي محورين
* المحور الاول 👈🏻 الحدود الباكستانية الصينية مين قاعد فيها يا ولاد 🤔🤔
قاعد فيها مسلمين الايجور .. آن آن تشششش
اذ فجأة يفتكروا انهم تتار وانهم عايزين يستقلوا
بردووووو يستقلوا 🙄🙄 هو كل 12 نفر في الكوكب هيعملوا دولة ولا ايه هي كلها بقت فتوات 😁
ويبدأوا حرب التحرير بتاعتهم بالاعتداء علي الاسطول التجاري الصيني .. فالصين بتروقهم
فبيبدأوا يلطشوا في الباكستانيين اللي هما مسلمين بس مش بيخلونا في المود واحنا كمسلمين نفسيتنا بتنقرف اوي
مرة فتحنا منجاية لاقينا فيها بذرة كبيرة اغمن علينا 🙄🙄
وتقوم العركة بتاعت الايجور
* المحور التاني 👈🏻 ايران مطلعة تلاتين ام امريكا في مينا تشابهار ومش بتديها ولا مليم
ميناء تشابهار موجود في منطقة اسمها بلوشستان
فجأة وبقدرة قادر تطلع حركة مسلحة من البلوش اسمها جند الله و مقاتلي الجهاد ويقرروا انهم عايزين يستقلوا ويعملوا دولة البلوش
يادي الخيبة 🙄🙄 استقلال تاااااني
يبشه احنا ك امريكا نفتت ميتين ام الكوكب ولا يهمنا المهم احناااا
وتبدأ ايران تطحن في البلوش ومعاهم الهند
فيجي البلوش سنة 2005 يضربوا ميناء كوادور ويقتلوا 5 مهندسين صينيين .. فتدخل الصين تضرب البلوش من القاعدة العسكرية الموجودة في كوادور باكستان .. وجمعية و دايرة ياباااا ومطحنة متعرفش اولها من اخرها
وطبعا في وسط المعمعة دي
إلحق يا جدع الروهينجا .. حلق يا جدع ع الايجور
المنظمات الاسلامية والمجمع الاسلامي والازهر وعاااااا
وهاشتاجات و عملوا مع بعض 20 فيلم كلها مؤساويات يا فيحاء
بس المثل بيقول العيل السو بيجيب لأهله النعيلة 😏😏
———————————————
ايه هو بقا اللالئ اللي مجننة امريكا تاااني
مينا جيبوتي علي البحر الاحمر والمحيط الهندي .. ومينا غينيا اللي بيطل علي المحيط الاطلسي .. مينا كوادور علي بحر العرب .. مواني ماينمار علي خليج البنغال
غير موانيها
فبقت الصين لها منافذ بحرية كتير وقفت حال اسطورة الاسطول التجاري الامريكي … ولازم يوقفوه ويستخدموا العرقيات المغفلة لانهم أجبن من ضرب صاروخ واحد علي الصين زي ما هما أجبن من صاروخ علي روسيا
هذا واستغفر الله لي ولكم ولظابط المخابرات الروسي جوزي .. و الي اللقاء في رقعة شطرنج الصفقة النووية الايرانية
#دحلاب_كده_تلاقيةدحلاب
✍️
كتبته دكتورة/ چيلان قاسم