أحدث طرق النصب| فيديوهات مزيفة لـ”إيلون ماسك” لدعم عملات “فشنك” !

كتبه دكتور /محمد الجندى

مستريحين عملوا فيديوهات مزيفة لـ إلون ماسك تدعم عملة مشفرة مزيفة وحققوا أرباح تصل لـ 580 ألف دولار !!

من فترة كلمناكم عن الـDeepfakes أو التزييف العميق وهي تقنية لتزييف الواقع من خلال التلاعب في الفيديوهات لإظهار شخصيات معينة بتقول كلام بصوتها وحركتها وهم في الحقيقة معملوش حاجه. تم عمل فيديوهات مزيفة لـ إلون ماسك لدعم عملية احتيال جديدة عن عملة بيتفكس (Bitvex) المشفرة واللي طلعت نصباية كبيرة.

وبيستخدموا الفيديوهات المزيفة لإدعاء إن إلون ماسك هو مالك لبيتفيكس وأنه أنشأ موقع للسماح للجميع بكسب ما يصل إلى 30 ٪ من العوائد على استثمارهم فيها.

الفيديوهات بتكون متاخده من مقابلة حقيقية وبيتم تعديلها بتقنية التزييف العميق لاستخدام صوت الشخص في نص تم التلاعب فيه. ومع الأسف ناس كتير بتصدق واللي بيعملوا الحملات المزيفة دي بيكسبوا من وراها ملايين الدولارات.

قبل ما تنشر أي خبر اتأكد من صحته الأول على المواقع أو الصحفات الرسمية سواء لـ إليون ماسك أو غيره من الشخصيات العامة والمؤثرة في العالم.